Kawei na ki jaka jngoh kai pyrthei kaba don hapoh ka shnong Umkoi kaba hap hapoh ka Amlarem Sub- Division kaba la tip paitbah kum ka Sliang Tourist Spot na ka liang jong ki nongialam jong katei ka jaka jngoh kai pyrthei ki la pyntip paitbah ba la plie biang iaka bad la shah ia ki paitbah ba kin wan kai sha katei ka jaka.
Kum ban shu pynkynmaw ba ia katei ka jaka jngogh kai pyrthei la khang shwa ia ka shipor naduh ki bnai Lyiur namar ba jur u slap bad ruh ba heh ka um naba ka ap jingma ia ki paitbah hynrei mynta u bnai ba la rit bad khuid ka um na ka liang ka shnong Umkoi ka la dep ban pynkhreh pynkhrum khnang ba ki paitbah ba wan kai kin suk bad kin lait ruh na ki jingma. La wer ruh ia kiba kwah ban wankai sha katei ka jaka kaba itynnad ban bam ki lyer ba pyngngad bad ki um ki ba sngur jong ka wah Umngot.
