Ha ka 13 tarik mynta u bnai kala don ka jingkhang khyrdep ia ka ophis treikam jong ka Company Jio Digital Life kaba don ha shnong Nartiang da ka seng Hynniewtrep National Youth Front (HNYF) West Jaintia Zone hadien ka jingioh jingujor na ka wei ka longkmie kaba la pynpaw ba kane ka ophis kam lah ba pynpoi ia ki tiar bad kala bat sah ia ka pisa jong ka, kaba ka la thied tiar lyngba katei ka Company.
Mynta ka sngi pat ka HNYF ha ryngkat ki bor Pulit jong ka Nartiang Police Station kila leit plie biang ia ka office trei kam kane ka Company ha Nartiang West Jaintia Hills District, hadien ba ka kong Anita Symblai ka la ioh lut mynta ka sngi 19.10.202 iaka pisa jong ka na katei ka Company kaba ka thied tiar lyngba kane ka Company ha kine ki sngi ba la dep.
Mynta ka sngi ia kane ka jingleit plie biang ia kane ka ophis jong katei ka Company la ialam da u President ka seng u samla H.W Sutong. Na ka liang u samla Sutong, u la khublei ruh ia ki nongtrei kane ka company kiba la leh shitom ban pynioh biang ia ka pisa ka kong Anita, ha kajuh ka por ka seng ka la ai khublei ruh ia ki Pulit ka Nartiang Police Station, kiba la don bynta ban iatreilang bad ka seng ban pynioh biang ia ka pisa jong katei ka longkmie.