Ki nongpyniaid ka Jaintia Career Coaching Centre (JCCC) kaba dei ka jaka ai jinghikai (coaching classes) ia ki samla wad kam wad jam ha kaba iadei bad ki competitive exam kum ka DSC, SSC , MTET bad kiwei kiwei de ki jaid exam ban ioh kam, kaba don ha Moowamon, Mihmyntdu ki la ioh lad ban plie paidbah ia kane ka Centre ha kane ka sngi Saitjain (18.12.21).
Ha kane ka jingialang la donlang ruh u ma. A. Andrew Shullai, u MDC, ka JHADC Jowai kum u kongsan ban plie ia kane ka centre.
Ia ka jingialang la pyniaid da u Chairman ka JCCC u ma B. Samayang, la ioh ia ka jingkren pdiang na i Asst. Secretary ka JCCC, D. Phawa.
La ioh ruh ka jingkren na i bah T. Shangpliang uba long u Nonghkai ka Marian Hill Higher Secondary School ha kaba u ong ba kane ka Centre ka long kaba donkam haduh katta namar ba lyngba kane ka centre ki samla wadkam wadjam kin ioh shibun ki jingmytoi ha ka ban pynkhreh ia ki eksam bapher bapher.
La ioh ruh ka jingkren bad ka jingkhap ribbon na u Kongsan ma A. Andrew Shullai. Ha ba ai jingkren u ma Shullai u la ong ba ladei ka por ban don kum kane ka Centre ka ban ai jinghikai ia ki samla wad kam, namar ba kum ka jaid bynriew ka dang duna bha ha ka jingnang jingstad ha kaba iadei bad kum kine ki lain. U la ong shuh shuh ba ka long kaba don kam ban trei shitom ban ioh kham bun ki officer bad ki nongtrei sorkar bapher bapher lyngba kane ka coaching centre.
Ha kane ia ka jingialang la don ruh ka jingai awards ia ki candidates ba wan coaching ha kane ka centre dang shen na ka bynta ka MTET Exam – 2021, kiba kynthup ia ka kong Habaiamon Shylla, ka kong Junita Lapasam, ka kong F. Larisa Bhaki Passah, ka kong Tyngshainbha Lapasam bad ka kong Imonhi Lamare.
La pynkut ia kane ka jingialang da ka jingkren ai khublei na ka kong V. Langstang kaba long ka Adviser jong kane ka Centre.