Mynta ka sngi u Waheh Shnong jong ka Lad Rymbai Dongwah u ma Deibormi Suchiang ula plie paidbah ia ka MSBM Travel Agency ha ka shnong Lad Rymbai Dongwah kaba dei trai da u ma Marshall SB Biam.
Ha kane ka jingplie paidbah ia kane ka Agency la iadon ryngkat u ma Marshall SB Biam, ka General Secretary jong ka JTTODA ka kong Evansara Lamare, u ma G.R. Bareh Treasurer ka JTTODA, u ma Pyndap Shadap uba dei u Publicity Secretary ka JTTODA bad ki dkhot jong ka Jaiñtia Tourist Taxi Owner & Driver Association.
Na ka liang jong ka kong Evansara Lamare kala ai ka jingiaroh ia ki nongpyniaid jong kane ka MSBM Travel Agency kiba la shim ia kane ka lad ban pynsuk ia ki nongleit nongwan. Ka la ong ba ka jingdon jong kane ka Travel Agency kan iarap shibun ia ki nongleit nongwan kiba napoh East Jaiñtia ban poi sha kiwei ki jylla bad bynta jong ka thaiñ Shateilam Mihngi (North East) jong ka ri India bad lyngba kane ka Agence lah ruh ban ioh ia ki kali kiba leit shaduh ka ri Nepal.
Katkum ka jingiathuh jong u trai jong kane ka MSBM Travel Agency u ma Marshall Biam u ong ba kane ka Travel Agency ka dei kaba la ioh ia ka jingithuh na ka sorkar Jylla lyngba ka tnad Transport.
