Mynta ka sngi u bah Cyril V. Darlong Diengdoh, Secretary to the Government of Meghalaya u la hiar ban plie paidbah ia ka Monolith Restaurant kaba ha ka shnong Mawmluh katba i kong I. Rynjah, Director of Soil and Water Conservation jong ka sorkar jylla ila plie paidbah ia ka Laitiam River Side Eco Tourism Hub. Kine ki project baroh ar ki dei kiba la pyntrei da ka Soil & Water Conservation Department ha ka jingiatreilang bad ka Meghalayan Age Limited, kiba hap hapoh ka Sohrah Civil Sub-Division.
Ka Monolith Restaurant ka dei ka project kaba don ha ka shnong Mawmluh. Ia kane ka project la sdang ban pyntrei naduh u bnai Iaiong jong ka snem 2022 bad la lah ban pyndep ia ka ha u Nailur 2023. Kane ka project ka shongdor shiklur laiphew khyndai lak tyngka.
Katba ka Laitiam River Side Eco Tourism Hub pat ka don ha ka shnong Laitiam. Ia kane ka project la sdang ban pyntrei ha u bnai Jylliew 2022 bad la lah ban pyndep ia ka ha u Nohprah 2023. Ka project ka shongdor shiklur sanphew wei lak tyngka.
Na ka liang u bah Diengdoh kumjuh ka kong Rynjah kila iaroh bad ai khublei ia ki nongshong shnong bad ki kynhun Co-operative kiba la iasnohkti lang bad ka tnat Soil and Water Conservation ban pynlong ia kine ki project kiba jop.
