Mynta ka sngi ka Tribal and Rural Social Foundation (TRSF) kala ioh ban plie sdang ia ka jingai jinghikai (training) kaba 3 (Lai) bnai kynthih ia ki nongrep ba kin nang ia ka rukom rep ba kham bha shuh shuh tang da kaba pyndonkam da ki sboh mariang (organic Farming).
Ia kane ka prokram ai jinghikai la pynlong ha Mukhaialong, da ka jingkyrshan jong ka Meghalaya State Skill Development Society. Kane ka prokram ka long ruh shi bynta na ka skhim jong ka Skill Meghalaya.
Ia ka jingialang la pyniaid da u ma Biangpor Shylla uba dei u Chief Co-ordinator jong ka TRSF uba la ai ruh ia ki kyntien maitphang shaphang kane ka prokram. U la ong ruh ba hadien bala pyndep ia kane ka training na ka liang ka seng kan sa pynioh ia ki tiar ba donkam ha ka rep ka riang sha ki nongrep ba wan iashim bynta ha kane ka training.
La ioh ruh ka jingkren pdiang na u ma Hundred Phawa u Waheh Shnong ka Mukhaialong.
Na ka liang u ma T. Pohthmi uba dei u Skill Development Officer, MSSDS, East Jaintia Hills District haba ai jingkren ha kane ka jingialang u la kyntu ia ki nongiashim bynta ban wan tista sha kane ka jingai jinghikai, khnang ba kin ioh shibun ki jingmyntoi. Ula ong ba kan sa don ruh ka jingjurip da ka kynhun ba la thung kyrpang ban peit ia kaei kaba kine kiba la ioh training kila pyndep hapoh kine ki lai bnai.
Ia ki kyntien ai khublei la aid a u ma Preacher Bareh, TRSF Coordinator.