U Deputy Commissioner (Supply) jong ka East Jaintia Hills District, Khliehriat, lyngba ka kyrwoh ba la pynmih sha ki paidbah, u la pyntip ba la pynkylla ia ka dor jong ka Umphniang Sharak (S.K. Oil) bad la buh da ki dor thymmai ka ba la treikam naduh naduh u bnai June, 2025.
Ka dor jong ka umphniang sharak na ka bynta ki wholesale bad retail ha Jaintia Service Station ka long ha ki jaka die lang (Wholesale) ka long ₹56.40 bad ha ki jaka die khutia (Retail) ka long ₹58.30 tyngka.
Ha Sub-Depot Sutnga ha ki jaka die lang (Wholesale) ka long ₹60.40 tyngka bad ha ki jaka die khutia (Retail) ka long ₹62.30 tyngka.
Ha Sonapur Oil Agency ha ki jaka die lang (Wholesale) ka long ₹56.60 tyngka bad ha ki jaka die khutia (Retail) ka long ₹58.50 tyngka.
Ka dor die khutia (retail) na ka bynta ki Fair Price Shop (FPS) kiba don shabar 5 Km na ka wholesale outlet ha Sub-Depot Sutnga yn sa buh dor da ka Vigilance Committee kaba dei peit.
Kane ka hukum kan treikam mardor naduh mynta kat haduh ban pynmih da kawei pat.
