U Deputy Commissioner (Supply), East Jaintia Hills District, Khliehriat ula pyntip paidbah ba na ka daw jong ka jingkiew dor jong ka umphniang sharak manla ka shisien ha ka ar taiew kumta ka tnad Supply kala pynthymmai bad buh ia ka dor jong ka umphiang sharak na ka bynta u bnai April 2022.
Ka dor dielang ha Khliehriat kan long T.84.80 shi litar, ka dor dielang ha Sonapur kan long T.84.95 shi litar bad ha Sutng Sub-Deport ka dor dielang kan long T.88.77 shi litar.
Ka dor die khutia ha Khliehriat kan long T.86.70, ha Sonapur kan long T.86.85 bad ha Sutnga pat kan long T.90.67 tyngka shi litar.
Ka dor die khutia ha ki jaka die rashon kiba hapoh ka 5 Km na ka jaka dielang ha Khliehriat, Sonapur bad Sutnga la aiti ha ki Vigilance Committee ban buh dor. Kane ka hukum kan trei kam mar dor tad haduh ban da pynmih da kum wei pat.