U Deputy Commissioner, East Jaintia Hills District, Khliehriat, u Abhilash Baranwal, IAS, mynta ka sngi ula pyllait paitbah ia ka dawai injek iada Covid ia ki khynnah ia kaba la tip kum ka Corbevax Vaccine na ka bynta ki khynnah kiba 12 haduh 14 snem ka rta.
Ia kane ka prokram la pynlong ha Little Star Secondary School, Lad Rymbai, ha kaba ia ka prokram la pynbit pynbiang da ka ophis District Medical and Health Officer East Jaintia Hills District, Khliehriat ha kaba la iadon ryngkat ki nonghikai bad ki khynnah skul.
Mynta ka sngi ka tnad ka koit ka khiah ka la ioh ban ai tika haduh 41 ngut ki khynnah skul kiba don ha ka rta kaba 12 haduh 14 snem kaba dei ka sien ba nyngkong jong ki lyngba u Corbevax Vaccine, la ioh ruh ban ai tika ia ki 26 ngut ki khynnah skul kiba don ha ka rta kaba 15-18 snem lyngba u Covaxin bad kumjuh 6 ngut kiba la dap 18 snem shaneng lyngba u Covishield Vaccine.
