U Deputy Commissioner (Supply), West Jaiñtia Hills ula pyntip ba ïa u khaw rashon NFSA (AAY & PHH) bad u Non-NFSA jong u bnai Kyllalyngkot, 2023 la dep ban pyllait sha baroh ki wholesale na ka bynta ban pynpoi sha baroh ki dukan die rashon naduh ka 8 tarik haduh ka 15 tarik Rymphang mynta u bnai.
Ka bhah khaw Antyodaya Anna Yojna (AAY) yn sam ha ka jingthew kaba 35 kg kawei ka AAY FI Card, ka bhah u khaw Priority Household (PHH) yn sam ha ka jingthew kaba 5 kg shi khlieh khlem donkam jingsiew ha sor bad ha nongkyndong. Katba ïa ka bhah jong u khaw Non-NFSA kan long 7.215 kg shi khlieh ha ka dor kaba la buh da ki Vigilance Committee ka bym dei ban palat ia ka dor T.14/- shi kilo na ka bynta kiba ha sor bad nongkyndong.
U Deputy Commissioner (Supply) ula kyntu ïa baroh ki dukan die rashon (Fair Price Shop dealer) hapoh ka District ban leit shim ïa ki permit jong ki na ka ophis treikam u DC (Supply) bad ban sam pyndep ïa u khaw hapoh ka 10 tarik u Lber, 2023 da kaba pyndonkam da ka online e-Pos machine.
