Ka Deputy Commissioner (Supply), East Khasi Hills District kala pyntip ba ia u khaw hapoh ka skhim NFSA (AAY bad PHH) bad u khaw Non-NFSA kumjuh ia u Ata na ka bynta u bnai Lber 2025 la pyllait lyngba ki dukan die rashon hapoh ka District.
Ia u khaw AAY yn sam ha ka jingthew kaba 35 kg kawei ka Card bad ia u khaw PHH ha ka jingthew kaba 5 kg shikhlieh, khlem da hap ban siew dor.
Ia u khaw Non-NFSA yn sam ha ka jingthew kaba 7.105 kg shiïing ha ka dor Rs.12.70/- haduh Rs. 13.00/- shi kilo.
Ia u Ata yn sam ha ka jingthew kaba 5 kg kawei ka Card ha ki jaka sor bad 3 kg kawei ka Card ha ki jaka nongkyndong ha ka dor Rs.10.50/- shi kilo.
La bthah ia baroh ki Fair Price Shop ba kin sam pyndep ia kine ki mar kloi kloi mar sien ioh ia ki. Ki dei ruh ban buh ia ka list jong ki nongbam rashon bad ka por plie por khang ha ki dukan jong ki.
Lada don kano kano ka jingbym ioh, lane ioh duna bad ka jingkhein rem dor ia kine ki mar kumjuh lada ioh da ki mar kiba la sniew ki dei ban ujor sha ka ophis jong ka Deputy Commissioner (Supply), East Khasi Hills District, Shillong.