Ka Deputy Commissioner (Supply) jong ka East Khasi Hills District kala pyntip ba ia u khaw rashon hapoh ka NFSA (AAY bad PHH) bad Non-NFSA kumjuh ia u Atta la pyllait lyngba ki dukan die rashon na ka bynta u bnai Rymphang 2026.
Ia u khaw NFSA, AAY yn sam ha ka jingthew kaba 35 kg kawei ka Card bad ia u khaw PHH yn sam ha ka jingthew kaba 5 kg shikhlieh khlem da hap ban siew dor.
Ia u khaw Non-NFSA yn sam ha ka jingthew kaba 7.105kg kawei ka Card ha ka dor Rs.12.70 haduh 13.00 shi kg.
Ia u Atta yn sam ha ka jingthew kaba 5 kg kawei ka Card haki jaka sor bad 3 kg kawei ka Card ha nongkyndong ha ka dor Rs.10.50 shi kg.
La bthah ia baroh ki Fair Price Shop ba ki dei ban sam kloi mar sien ioh ia u khaw bad Atta bad ki dei ruh ban buh ia ka list jong ki nongbam rashon bad ka por plie ia ka dukan jong ki. La kyntu ia baroh ki nongbam rashon ba kin leit shim ia kitei ki mar ha ki jaka sam rashon jong ki hapoh ka 28/02/2026 bad ruh ban pyndep ia ka e-KYC jong ki na ka bynta ka jingiaid beit iaid rynti ka jingpyntreikam ia ka e-POS machine.
Lada don kano kano ka jingbym pynioh ia kine ki mar lane ka jingpynioh duna bad lada shim dor tam lane pynioh da ki mar kiba sniew dei ban pyntip sha ka ophis jong ka Deputy Commissioner (Supply), East Khasi Hills District, Shillong.
