I Deputy Commissioner (Supply), East Khasi Hills District ila pyntip paidbah ba ia u khaw hapoh ka skhim PMGKAY ia ki longïing NFSA (AAY bad PHH) jong u bnai September 2022 bad ia u Atta la pyllait lyngba ki dukan Rashon hapoh ka District.
Ia u khaw yn sam khlem jingsiew dor ha ka jingthew kaba 5 kilo shi khlieh, katba ia u Atta yn ai 5 kilo kawei ka FI Card ha Sor bad 3 kilo kawei ka FI Card ha ki thaiñ nongkyndong ha ka dor T.10.50 shi kilo.
La bthah ia baroh ki Fair Price Shops ba kin sam kloi ia kitei ki mar tang shu ioh ia ki bad ruh ban buh ia ka list kyrteng jong ki nongbam rashon kumjuh ban kdew ia ka por plie bad por khang dukan jong ki.
Na ka liang i DC ila kyntu ruh ia ki nongbam rashon ba kin pynpoi ia ki Aadhaar Number jong ki sha ki dukan rashon khnang ban pynsuk ka jingpyntreikam ia ka e-POS machine.
Lada don kano kano ka jingbym ioh ne ka jingsam duna ia kine ki mar rashon la btah ia ki paidbah ban ai jingtip mar mar sha ka ophis jong I DC (Supply), East Kasi Hills District, Shillong ban ioh leh ia kaba donkam.