I Deputy Commissioner (Supply), East Khasi Hills ila pyntip ba ia u khaw NFSA bad Atta na ka bynta u bnai July 2022 la dep ban pyllait sha baroh ki Fair Price Shops kiba don hapoh ka District.
Ia u khaw jong ka skhim NFSA yn sam ha ka jingthew kaba 35 kg kawei ka FI Card ha ka dor T.3/- shi kilo na ka bynta ki AAY bad 5 kg shi khlieh ha ka dor T.3/- shi kilo na ka bynta ki PHH. Katba ia u Atta yn sam ha ka jingthew kaba 5 kg kawei ka Card ha ki jaka sor bad 3 kg kawei ka Card ha ki thaiñ nongkyndong ha ka dor T.10.50 shi kilo.
La btah ia baroh ki dukan die rashon ba kin sam pyndep katba lah ia kine ki mar hapoh ka por bala buh. I Deputy Commissioner (Supply) ila kyntu ruh ia baroh ki nongioh jingmyntoi na ka NFSA ba kin sngewbha ban pynpoi ia ki Aadhaar Number jong ki sha ki dukan die rashon na ka bynta ka jingiaid beit iaid ryntih ka jingpyntreikam ia ka e-POS machine.
Lada don kino kino ki ioh duna ne kiba ioh ia ki mar kiba la sniew ki lah ban ujor sha ka ophis jong i Deputy Commissioner (Supply), East Khasi Hills District, Shillong.