U Deputy Commissioner (Supply), West Jaintia Hills, u la pyntip ba ia u khaw NFSA (AAY, PHH) bad Non- NFSA na ka bynta u bnai June, 2023 ba la pyllait sha baroh ki FP Shop dealers hapoh ka District.
Ia ka bhah u khaw Antyodaya Anna Yojna (AAY), yn sam ha ka jingthew kaba 35 kgs kawei ka AAY FI card khlem ka jingsiew ha sor bad ha nongkyndong.
Ia u Priority Household (PHH) ha ka jingthew kaba 5 kgs shi khlieh khlem kano kano ka jingsiew na ka bynta ha nongkyndong bad ha sor.
Ia u Non-NFSA yn sam ha ka jingthew kaba 7.215 kg shi iing ha ka dor kaba la buh da ka vigilance committee ym dei ban tam ia ka 14 tyngka shi kg na ka bynta ha sor bad nongkyndong.
U Deputy Commissioner (supply), u la bthah ia baroh ki dukan rashon (Fair Price shops) ki dei ban leit shim ia ki permits jong ki na ka ophis jong u Deputy Commissioner (Supply) bad ban pyndep ia ka jingsam khaw hapoh ka 10th July, 2023, da kaba pyndonkam ia ka online transaction e-Pos, ha ki center jong ki khlem pep.