U Deputy Commissioner (Supply), East Khasi Hills District, u pynbna paidbah ba la pyllait ia u khaw rashon bad u atta na ka bynta u bnai Jylliew, 2024 ban pynpoi sha ki dukan die rashon.
Ia u khaw AAY yn sam ha ka jingtheew kaba 35 kilo shi ïing shi bnai khlem da don kam ban siew pisa ei ei, ia u khaw PHH yn sam 5 kilo shi khlieh shi bnai khlem da donkam ban siew pisa ei ei, katba ia u khaw Non- NFSA pat yn sam 7.105 kilo shi ïing- shi bnai ha ka dor die lang kaba long 12.70/- tyngka shi kilo haduh T.13.00/- tyngka shi kilo.
Ia u atta pat yn sam ha ka jingthew kaba 5 kilo kawei ka card ha ki jaka sor bad 3 kilo kawei ka card ha ki jaka nongkyndong ha ka dor T.10.50 shi kilo.
Lada don kano kano ka jingbymhun halor ka rukom sam ia u khaw da ki nongsam kat kum ki jingthew bad ka dor ba la buh, ki paidbah ki lah ban ujor sha u Deputy Commissioner (Supply), East Khasi Hills District, Shillong.