Hills U Deputy Commissioner (Supply), West Jaintia Hills Ula pyntip paidbah ba la pyllait ia u khaw rashon NFSA (AAY bad PHH) bad ia u khaw Non-NFSA kumjuh ia u khaw AAY bad PHH hapoh ka skhim PMGKAY jong u bnai September, 2022 sha baroh ki wholesaler na ka bynta ban pynpoi sha ki jaka ai rashon hapoh ka 15 tarik mynta u bnai.
Ia u khaw AAY yn sam 35 kg kawei ka AAY FI Card ha ka dor 3/- shi kilo ha sor bad nongkyndong.
U khaw PHH yn sam 5 kg shi khlieh ha ka dor 3/- shi kilo ha sor bad nongkyndong.
U khaw Non-NFSA yn sam 7.215 kg shi ïing ha ka dor ba la buh da ka Vigilance Committee kaba ym dei ban palat ne tam ia ka 14/- shi kilo la ha sor ne nongkyndong.
U khaw PMGKAY- AAY yn sam 5 kg shi khlie shibnai khlem kano kano ka jingsiew dor. Ia u khaw PMGKAY-PHH yn sam 5 kg shi khlieh shi bnai une ruh khlem donkam ban da siew dor ei ei.
U DC (Supply) u kyntu ia baroh ki nongsam rashon ba kin sam pyndep ia u khaw rashon hapoh ka 30 tarik mynta u bnai da kaba pyndonkam ia ka e-Pos machine.