U Deputy Commissioner (Supply), West Jaiñtia Hills ula pyntip paidbah ba ia u khaw rashon hapoh ka skhim NFSA (AAY bad PHH) bad u Non-NFSA bad ruh u khaw AAY bad PHH hapoh ka skhim PMGKAY kaba dei na ka bynta u bnai December, 2022 la dep ban pyllait sha baroh ki Wholesaler na ka bynta ban pynpoi sha baroh ki dukan die rashon (FP Shop) haduh ka 16 tarik mynta u bnai.
Ia u khaw Antyodaya Anna Yojna (AAY) yn sam ha ka jingthew kaba 35 kgs kawei ka AAYFI Card ha ka dor T.3/- tyngka shi kilo ha sor bad ha nongkyndong.
Ia u khaw Priority Household (PHH) yn sam ha ka jingthew kaba 5 kgs shi khlieh ha ka dor T.3/- tyngka shi kilo ha sor bad nongkyndong.
U khaw Non-NFSA yn sam ha ka jingthew kaba 7.215 kg shi ïing ha ka dor kaba la buh da ka Vigilance Committee kaba ym dei ban palat ia ka dor T.14/- tyngka shi kilo la ha nongkyndong ne ha sor.
U Khaw PMGKAY Antyodaya Anna Yojna (AAY) bad PMGKAY (Priority HouseHold PHH) yn sam ha ka jingthew kaba 5 kgs shi khlieh ha ka shibnai, khlem kano kano ka jingsiew dor la ha sor ne ha nongkyndong.
U Deputy Commissioner (Supply) ula bthah ia baroh ki dukan die rashon ba ki dei ban sam pyndep ia u khaw (RRGA Fortified Rice) hapoh ka 30 tarik mynta u bnai, da kaba pyndonkam khlem pep ia ka online e-Pos machine.