U Deputy Commissioner (Supply), West Jaintia Hills District, u la pynbna paidbah ba la pyllait ia u khaw Rashon na ka bynta u bnai March 2025 sha baroh ki Wholesalers na ka bynta ban pynpoi sha ki FPS centres.
Ia u khaw Antyodaya Anna Yojna (AAY) yn sam ha ka jingioh ka ba 35 kgs shi card shiïing, shi bnai, ym donkam siew dor.
Ia u khaw Priority House Hold (PHH) yn sam ha ka jingioh ka ba 5 kgs shi khlieh, shi bnai, ym donkam siew dor.
Ia u khaw Non-NFSA yn sam ha ka jingioh ka ba 7.105 kgs shi card shiïing ha ka dor ba la pynbeit da ki Vigilance Committee bad ym dei ban die tam ia ka dor Rs.14/ shi kgs.
Kumta, la bthah ia ki Fair Price Shop Dealers ba ki dei ban leit shim ia ki permit na ka ophis u DC Supply, West Jaintia Hills bad ban sam pyndep ia u khaw hapoh ka 10 tarik April 2025, khlem pep, da kaba pyndonkam ia ki e-Pos machine da ka online mode.