Mynta ka sngi, u Deputy Commissioner (Supply), West Jaintia Hills District, u la pynbna paidbah ba la pyllait ia u khaw AAY, PHH bad u Non – NFSA na ka bynta u bnai December, 2025 sha baroh ki wholesalers na ka bynta ban pynpoi sha ki FPS centre.
Ia u khaw Antyodaya Anna Yojna (AAY) yn sam ha ka jingioh kaba 35 Kg shi khlieh shibnai bad ym donkam siew dor (free of cost).
Ia u khaw Priority Household (PHH) yn sam ha ka jingioh kaba 5 Kg shi khlieh shibnai bad ym donkam siew dor (free of cost).
Ia u khaw Non – NFSA yn sam ha ka jingioh kaba 7.105 Kg shi card/iing ha ka dor ba la pynbeit da ka Vigilance Committee bad ym dei ban die tam ia ka dor Rs.14/- shi Kg.
U Deputy Commissioner u la bthah ia ki FPS dealer ba ki dei ban wan shim, ia ki permit na ka ophis jong u Deputy Commissioner (Supply) bad ban sam pyndep hapoh 31th December, 2025 khlem pep da kaba pyndonkam ia ki e-pos machine da ka online mode.
