U Deputy Commissioner (Supply), jong ka West Jaintia Hills u la pyntip paidbah ba la pyllait ia u khaw NFSA (AAY & PHH) bad Non- NFSA na ka bynta u bnai October, 2022, sha baroh ki wholesalers na ka bynta ban pynpoi sha baroh ki dukan rashon ne ki FP shop centers hapoh ka District.
Ia u Antyodaya Anna Yojna (AAY) ka bhah jong u khaw yn sam ha ka jingthew kaba 35 kgs na ka bynta kawei ka AAY FI ha ka dor Rs. 3/- shi Kg ha ki jaka nongkyndong bad sor. Ia u Priority Household (PHH) ka bhah khaw kan long 5kgs shi khlieh ha ka dor Rs. 3/- shi kg ha nongkyndong bad sor. Na ka bynta u Non-NFSA ka bhah khaw ha ka jingthew kaba 7.215 Kg shi iing ha ka dor ba la buh da ka Vigilance Committee ka bym tam ia ka Rs 14/- shi Kg ha nongkyndong bad ha sor.
Kumta u Deputy Commissioner (Supply) u la kyntu ia baroh ki dukan rashon ne ki Fair Price Shop dealers ba kin pynbiang iaki jingdonkam ha kaban pyndep ia ka jingsam ia u khaw hapoh ka 31st October, 2022 by da kaba pyndonkam ia ka e-Pos khlem pep.
