La pyllait ïaki Draft Electoral Roll jong ki 4 tylli ki Constituency ha WJH 

U Deputy Commissioner ka West Jaiñtia Hills bah B.S. Sohliya (IAS) mynta ka sngi ula aiti bad pyllait ïa ki kopi jong ki Draft Electoral Roll sha ki nongmihkhmat jong ki saw tylli ki Constituency na ki Political Party kiba kynthup ïa ka Jowai, Nartiang, Raliang bad Mowkaiaw Assembly Constituency.

Ïa ka jingïalang la pynlong ha Conference Room DC ophis haka jingdonlang ka Additional Deputy Commissioner kong  D.D Syngai nalor kiwei de, ha kane ka sngi u DC ula pyllait ruh ïa ka SVEEP awareness Video halor ka Special Summary Revision ba la shim bynta da ki kynhun ‘Chi ïung.’

Na ka liang u Deputy Commissioner haba ai jingkren ula kyntu ïa baroh ban long kiba ïatreilang katkum ka Draft Electoral Roll ba la dep pynmih bad ban pyntikna ruh ïa ki nongthep vote kiba la don ïa ka rta kiba la kynjop 18 snem haduh ka 01.01.2023 kum ka (qualifying date) ki dei ban wan pynrung kyrteng ïalade. 

Ka kong D.D Syngai, ADC (Election) kala pynsngew ba ka jingpynkhreh ïa ka Electoral Special Summary kan sdang naduh mynta ka sngi 9 tarik u Naiwieng bad kan bteng haduh ka 8 tarik u Nohprah 2022. Kala pyntip kino kino kiba la dap 18 snem ki lah ban pynrung kyrteng ïalade da kaba pyndap ha ka form 6, 6A, 7 bad ka form 8.

Shuh shuh kala ïathuh ki nongshong shnong kiba la dap 18 snem shaneng katkum katei ka tarik 01.01.2023 (qualifying date) ki lah ruh ban pynrung ha ka 1^st April, 1^st July lane ka 1^st October, 2023 bad ban ujor lada bakla ha ka kyrteng ha Form-6.

Ïa kane ka Special Campaign yn pynlong kymjuh ha ka 18^th, 9^th, 25^th bad ka 26^th November, 2022 ha kaba ki nongtrei BLO’s kin sa leit mih sha manla ki Polling Stations bad ban leh burom kumjuh ïa ki nongthep vote ba thymmai.

Ha kaba ïadei bad ka jingpynkylla ïa ki kyrteng lah ban leh da ka online lyngba ka  www.nvsp. ha ka juh ka por ki lad ban download ïa u Voter Helpline App.