I Deputy Commissioner (Supply), East Khasi Hills District i la pyntip paidbah ba ïa u khaw rashon hapoh ka skhim NFSA (AAY bad PHH) bad Non-NFSA, kumjuh ïa u Atta na ka bynta u bnai Naitung 2024 la pyllait sha ki dukan die rashon ba don hapoh ka District.
Ia u khaw AAY yn sam ha ka jingthew kaba 35 kgs kawei ka card bad ïa u khaw PHH yn sam ha ka jingthew kaba 5 kgs shi khlieh, khlem donkam ban siew dor. Ia u khaw Non-NFSA yn sam ha ka jingthew kaba 7.105 kgs per kawei ka longïing ha ka dor Rs. 12.70/- haduh Rs. 13.00/- per kg.
Ia u Wholemeal Atta yn sam ha ka jingthew kaba 5 kgs kawei ka card ha ki jaka sor bad 3 kgs kawei ka card ha ki jaka nongkyndong ha ka dor kaba Rs. 10.50/- shi kg.
La bthah ia baroh ki dukan die rashon ba ki dei ban sam ia ka bhah tang shu poi ka stock bad ban pyni ia ka thup jong ki nongioh jingmyntoi bad ka por treikam ha la ki jong ki jong ki dukan. Ka Deputy Commissioner (Supply) ka la kyrpad ruh ïa baroh ki nongïoh jingmyntoi na ka NFSA ban pynbiang ïa u Aadhaar number jong ki sha ki dukan rashon na ka bynta ka jingïaidbeit jong ka e-POS mashin.
Lada don ka jingbym ïoh ïa kine ki mar, lane ka jingsam duna bad ka jingshim dor tam, ne ka jingpynïoh da ki mar kiba la sniew, dei ban ujor mar mar sha ka ophis jong i Deputy Commissioner (Supply), East Khasi Hills District, Shillong.