U Deputy Commissioner (Supply) u la pynbna paidbah ba la pyllait ia u khaw rashon hapoh ka skhim AAY, PHH bad u non-NFSA na ka bynta u bnai February, 2025 sha baroh ki wholesalers na ka bynta ban pynpoi sha ki F.P. Shop centre kiba don hapoh West Jaiñtia Hills District.
ïa u khaw Antyodaya Anna Yojna (AAY) yn sam ha ka jingioh ka ba 35 Kgs kawei ka AAY FI card bad ymdonkam siew dor la ha sor ne ha nongkyndong. ïa u khaw Priority Household (PHH) khaw yn sam ha ka jingioh ka ba 5 Kgs shi khlieh shibnai bad ym donkam siew dor.
ïa u khaw Non- NFSA pat yn sam ha ka jingioh ka ba 7.105 Kgs shi ïing ha ka dor ba la buh da ka Vigilance Committee tangba kam dei ban die tam ia ka dor Rs.14/- shi kg la ha sor ne nongkyndong.
Ha kaba iadei bad kane la bthah ia baroh ki Fair Price Shop Dealers ba ki dei ban leit shim ia ki permit khaw na ka ophis jong u Deputy Commissioner (Supply), West Jaintia Hills bad ki dei ban sam pyndep ia u khaw hapoh ka 10 tarik u bnai Lber 2025 da kaba pyndonkam ia ka Pos Machine da ka online mode.