I Additional Deputy Commissioner (Supply), jong ka West Jaintia Hills, i pyntip ba ka jingpynlait ia u Khaw AAY, PHH bad Non-NFSA na bynta u bnai Nailur (September), 2025, la dep ban phah sha baroh ki nongdie Khaw rashon (Fair Price Shops) ha West Jaintia Hills District.
Ka bhah Khaw jong u Antyodaya Anna Yojna (AAY) yn sam 35 kilo na ka bynta kawei ka AAY F.I. Card khlem da dei ban siew dor ha ki thaiñ nyngkyndong bad ha sor ruh.
Ia ka bhah Khaw jong u Priority Household (PHH) yn sam 5 kilo shi khlieh khlem da donkam siew dor ha ki thaiñ nyngkyndong bad ha sor ruh kumjuh.
Ka bhah Khaw jong u Non-NFSA yn ai 7.105 kilo shi ïing ha ka dor kaba la buh da ka Vigilance Committee hynrei ym dei ban palat Rs.14/- shi kilo ha nyngkyndong bad ha sor ruh kumjuh.
La kyntu ia baroh ki nongdie ha ki dukan rashon baroh ba kin leit shim noh ïa ki permit na ophis u Deputy Commissioner (Supply), West Jaintia Hills bad ban ban pyndep ia ka jingsam shwa ka 30 tarik u September, 2025 da kaba pyndonkam da ka ePOS machine ha ka online mode ha ki jaka jong ki khlem da pynslem.
