Ka ophis District Sports Officer (DSO), East Jaintia Hills District ha ryngkat ka jingiatreilang bad ka ophis Block Development Officer (BDO), Lumshnong C&RD Block kila pynlong ia ka Block Level Chief Minister’s Youth Engagement Programme (CM-YEP) 2025 kaba ar sngi lynter na ka bynta ka Lumshnong C&RD ha Lumshnong Community Hall.
Ka jingthmu jong kane ka prokram ka long ban pynkup bor bad pyniasoh ia ki samla lyngba ki prokram ba ai jingmyntoi kum ka jingkyntiew ia ka jingiatylli, ka jinglong ha ka akor ka burom bad ka jinglong nongialam hapoh ka phang “Empower Youth- Empower Meghalaya.”
Ia kane ka prokram la wan ban pynhap pyrda da ka kong Deiwi Tongper, ka MEC jong ka Narpuh kum ka kongsan, ha ka jingdonlang ka District Sports Officer, East Jaintia Hills District kong S.M. Rapasang, ki nonghikai, ki khynnah skul, ki nongialam shnong bad ki riew paidbah.
Ha kane ka prokram ba ar sngi la don ki jingiakop bapher bapher ba kynthup ia ka Quiz, Tug of War, Declamation, Guitar (Solo), Painting, Folk Dance, Folk Song, Poetry Writing, Story Writing, Science Innovation bad ka Talent Show.
Ha ka jingiakop Quiz ka Hmar Students’ Association, Khaddum kala wan ba nyngkong, ka Divine Word S/S kala wan ba-ar bad ka Star Public School kala wan ba-lai.
Ha ka Painting Competition ka Alice Riengsete na ka Star Public School kala wan ba nyngkong, ka Elias Pyrtuh bad Jefer Tariang na ka Divine Word SS kila wan ba-ar bad ba-lai.
Ha ka Tug of War ka Hmar Students’ Association, Khaddum ka la long ka nongjop, ka Divine Word SS kala wan ba-ar bad ka Thangskai Team kala wan ba-lai.
Ha ka Talent Show ka Threena Pohthmi na ka Star Public Schoo kala wan ba nyngkong, u Freddy Dkhar na ka juh ka skul ula wan ba-ar bad ka Lanaika Sumer na ka Star Public School kala wan ba-lai.
Ha ka Folk Song Competition ka Star Public School kala wan ba nyngkong, ka Divine Word SS kala wan ba-ar bad ka Hmar Students’ Association, Khaddum kala wan ba-lai.
Ha ka Fold Dane Competition ka Divine Word SS kala wan nyngkong, ka Hmar Students’ Association, Khaddum kala wan ba-ar bad ka Star Public School kala wan ba-lai.
Ha ka Declamation Competition, u Hashwakio Patlong na ka Divine Word Secondary School ula wan ba nyngkong, u Dicken Kympat na ka Star Public School ula wan ba-ar.
Ha ka Guitar (Solo) Competition, u Fredyson Dkhar na ka Star Public School ula wan ba nyngkong, u Watkin Pangamte na ka Hmar Students’ Association, Khaddum ula wan ba-ar.
Ha ka Story Writing Competition, u Thomas Challam na ka Divine Word Secondary School u la wan ba nyngkong, u Mewari Gympad na ka Star Public School ula wan ba-ar bad u Iaineh Syndai na ka Divine Word Secondary School u la wan ba-lai.
Ha ka Poetry Writing Competition, Innocent B. Talang na ka Star Public School ba nyngkong, Mewari Gympad na ka juh ka skul ba-ar bad John Zothaumawia Joute na ka Hmar Students’ Association, Khaddum, ba-lai.
Ha ka Science Innovation Competition, ka Star Public School ka la wan ba nyngkong katba ka Hmar Students’ Association, Khaddum, ka la wan ba-ar.
Ki nongjop na kane ka Block Level kin ioh ban leit iakhun ha ka District Level ka ban sa long ha u bnai Naiwieng 2025.
