Mynta ka sngi hi la pyndep ia ka jinglehniam ba khadduh ia ka kmie jong u Myntri Rangbahduh ka ri India u Narendra Modi, hadien ka jingkhlad nog jong ka mynta ka step.
Ia ka Heeraben Modi la leit ban pynthiah ha jaka sumar ha UN Mehta Institute of Cardiology and Research Centre Ahmedabad, hynrei kala khlad noh mynta ka step phyrngap ha ka por kumba 3:30 baje ei ei, ka Heeraben kala don ha ka rta kaba 100 snem.
Ia ka jingthhang donburom ia ka met jong ka Heeraben Modi la pyndep ha Gandhinagar ha kaba u Narendra Modi uba la iashim bynta lang ban rah ia ka krong jong ka kmie jong u bad ula aiding khadduh iala ka kmie ha kane ka jaka thang.
Kum ban shuh pynkynmaw ba ka kmie u Modi ka iasah ryngkat bad u para jong u Modi ia uba la tip kyrteng u Pankaj Modi ha kawei ka nongkyndong kaba la tip kum ka Raysan kaba don hajan ka nongbah Gandhinagar jong ka Jylla Gujarat.
Na ka liang jong Nerendra Modi u ju leit jngoh manla ka por ia la ka jong ka kmie haba u poi shala ka jong ka Jylla.