Ka Loompyrdi Ïongpiah, Jowai, kala pynhap pyrda ïa ka 21st Open Badminton Championship 2024, ha ka jingïakhun bala pynlong hynnin ka sngi Saitjaiñ ha Indoor Hall ka Seiñ Raij Jowai, (Madan Ryngkaw) kaba don ha Tpep-Pale, Jowai.
Ha kane ka sngi ladonlang u ma Deibormi Toi, Executive Engineer PHE Greater Shillong Water Supply, Division II Mawphlang kum u kongsan, haka jingdonlang U Waheh Shnong ka Lompyrdi Iongpiah ma R. L. Bimee Suwer, ki dkhot ka West Jaiñtia District Badminton Association (WJDBA), Jowai, nalor kiwei de kiba la shah khot sngewbha.
Ki nongjop ha ki kyrdan bapher bapher ki long; haka Men Single open u Ran Najiar ula jop da 21:15 bad 21:15 ïa u Hrisami Passah, haka Men Double u Rimilan Passah bad Deilang Nongpluh kila jop da 21:12 bad 21:19 ïa u Dauru Laloo bad Buromlang ki Lakiang.
Ha ka Men Single 35+ u Ram Najir ula jop da 21:14 bad 21:11 ïa u Dauru Laloo. Haka 35+ Men Double u Ram Najiar bad u Yutang Kma kila jop da 24-22 bad 22-20 ïa u Dr. Peterson L. Lamare bad u Daymen Shullai.
Ha ka 50+ Mixed Double u Bhalang Lamare bad ka C. Laloo kila jop da 20:22, 21:16 bad 21:16 ïa u T. Laloo bad ka S. Passah.
Katba ha ka Mixed Doubles u Deilang wa-oo Nongpluh bad ka Ribhalang Passah kila jop da 21:18, 15:21 bad 21:15 ïa u Mebanker Shullai bad ka Balashembha Passah.
Ïa ki khusnam sha ki nongjop la sam da u kongsan ha ryngkat ki dkhot ka West Jaiñtia District Badminton Association bad ki nongïalam shnong.
