Ka Tuber Kmaishnong Social Cultural & Sports Club (SC&SC), kala ioh ban pynhap pyrda (Closing Ceremony) ia ka jinglehkmen ka 25th Inter Dong Football Tournament Cum Silver Jubilee Celebration (1997-2022), ha kane ka sngi saitjain 15.10.2022, ha kaba u ma Kyrmen Shylla MLA ka thain uba long u myntri ka tnad Revenue & Disaster Management, Social Welfare bad kiwei, u la long u kongsan, ha ka jingiadonlang ruh u Deputy Chief Executive Member ka JHADC u ma Lasky Rymbai.
Ha kane ka sngi la pyniaid ia ka program da u Chairman ka Sports Club u ma Markos Ryngkhlem bad la ioh ia ki kyntien lamphrang ha ka jingiadei bad kane ka ka program da u Secretary ka Sports Club ma Bida Kyndait bad la ioh ruh ban pyllait iaka Souvenir jong ka Jubilee da u Symbud Kongsan ma Lasky Rymbai bad la plie ia u Mawnongrim jong ka Club da u kongsan u ma Kyrmen Shylla.
Ki riew rangbah kiba iadon lang ha kane ka jingpynhap pyrda ki long ma Finelynes Bareh MDC Rymbai, ma Lomris Lyngdoh MDC Muthlong-Sohkymphor, ma Justine Dkhar Ex-MLA Khliehriat Constituency, ma Harvis Phawa President Raij Tuber, ma Micky Lyngdoh Waheh Shnong Tuber Kmaishnong bad kiwei de ki riewpawkhmat na kylleng ka East Jaintia Hills District. Ha kane ka sngi la ioh ruh ban leh burom (Felicitated) ia ki nongkitkam jong ka SC&SC kiba trei iaka kam naduh u snem 1997-2022. Ka Theme jong kane ka Jubilee ka long”Dream for a Better Tomorrow “.
La pynphuh pynphieng shuh shuh ia kane ka program da ka jingshad jong ki khun samla ka shnong. Ka jingialeh kai final football kaba long hapdeng ka Tuber Wahshnong SC pyrshah ia ka GFF Family FC ha kaba ka Tuber Wahshnong SC ka la jop 3-0. Ha kaba pynkut ia kane ka program la ioh ki kyntien ai khublei na u Shainbok Sana (Member Sports Committee)
Hadien ka jingpyndep ia ka jingsam khusnam, la ioh ban pynhiar ia ka lama jong ka Club da u Wahehshong ka Tuber Kmaishnong.
