Rah nam lahduh ka North Liberty Higher Secondary School
Ia ka District LevelInter School Athletic meets 2022 ba lai sngi bala pynlong da ka ophis jong u District Sports Officer (DSO) bad ka West Jaintia District Sport Association (WJDSA) kala poi sha kaba kut mynta ka sngi (13/05/2022) ha Kiang Nangbah Stadium.
Ki nongjop ha ki kynhun bapher bapher ki kyntup ia ka Under-14 u Adrick –Da-E Mi-Tre Pathaw jong ka North Liberty Higher Secondary School bad ka Ham-Myllin Phawa jong ka Jowai Government UP RMSA kila ioh ban rah ia ka nam Best Male bad Female Athlete.
Ha ka Under-16 u Ioh I Ksah Lyngdoh jong ka Government Boys Higher Secondary School ula ioh ia ka Best Male Athlete katba ka Aroma Lyngdoh jong ka JNV Mukhla ka la ioh rah ia ka nam Best Female Athlete.
Ha ka Under-18 u Sajeki-Miki Shylla jong ka Liberty Higher Secondary school bad ka Ri-Deimaya Pasi jong ka JNV Mukhla kila ioh rah ia ka nam Best Male and Female Athlete.
Ki skul kila la ioh ia ka nam Best Team ha ka Under-14 ka dei ka North Liberty Higher Secondary School kaba la ioh rah ha baroh ar kata na ka liang ki shynrang bad kumjuh na ka liang ki kynthei.
Ha ka Under-16 la ioh ban rah da ka Government Boys’ Higher Secondary School na ka liang jong ki shynrang bad ka North Liberty Higher Secondary School kala ioh na ka liang ki kynthei.
Ha ka Under – 18 ka Government Boys’Higher Secondary School na ka liang ki shynrang bad ka Kiang Nangbah Higher Secondary School na ka liang ki kynthei.
Ia ka nam Best Discipline School la ioh rah da ka St. Micheal & All Angels Secondary School, Jowai. Katba ia ka nam lahduh (Overall Champion) la ioh ban rah da ka North Liberty Higher Secondary School.
