Ioh rah ka Sein Jait Tuber Higher Secondary School ia ka nam Overall Champion ka District Level Inter School Athletic meet 2022 East Jaintia Hills
Mynta ka sngi u ma Kyrmen Shylla, MLA ka thaiñ kumjuh ruh u myntri ka sorkar jylla, ba dei peit ia ka tnat Social Welfare Department, Revenue and Disaster Management u la wan ban pynhap pyrda ia ka District Level Inter School Athletic Meet 2022, ka East Jaiñtia Hills District, kaba la sdang naduh ka 17.05.2022, bad poi sha kaba kut mynta ka sngi 19.05.2022.
Ha kane ka lympung la wan ban iashim bynta haduh 23 tylli ki skul bapher bapher napoh East Jaintia Hills District, kaba la pyniaid da ka ophis jong ka District Sports Officer (DSO) East Jaintia Hills District, ryngkat ka jingiatreilang ka East Jaintia District Sport Association (EJDSA), kaba la pynlong ha Madan ialehkai jong ka Teilang sports ha Dkhiah.
Ha kane ka lymphung ki don ki jingiakop ki bapher bapher kiba kynthup ia ka 400 Meter Race, Long Jump, High Jump, Shot Put, Javelin Throw, Discuss Throw, 4 X 100 Metre, 600 meter, 200 meter race bad kiwei na ka bynta ki khynnah Under-18, 16, bad 14 kiba kynthup ia ki khynnah khynthei bad shynrang.
Ia ka nam Best Athlete ha ka kyrdan Under-14 Boys la ioh rah da u Da-e-hiwotmi Phawa, na ka Skul Sein Jait Tuber Secondary School, ha ka Uner-14 Girls la ioh da ka Thehlut Sana na ka skul Sein Jait Tuber, ha ka Under-16 Boys la ioh da u Lastly Suchiang naka Sutnga Presbyterian Higher Secondary School, ha ka Under-16 Girls la ioh da ka Lamsuk Phawa naka skul San Shnong, katba haka Under-18 Boys la ioh da u Lamwan Phawa naka Sein Jait Tuber School bad ha ka Under-18 Girls la ioh da ka Anidaka Shylla na Sein Jait Tuber Secondary School.
Ia ka nam Best Discipline School la ioh da ka San Shnong Secondary School katba ia ka nam Overall Champion jong kane ka District Level Inter School Athletic meet 2022 la ioh rah da ka Sein Jait Tuber Higher Secondary School.
Ha kane ka lympung la don lang ruh Superintendent of Police, East Jaintia Hills District u Jagpal Singh, IPS, ma Finely Bareh MDC, kong Stephanie M. Rapsang, District Sports Officer, East Jaintia Hills District, Khlehriat, DSO WJHD ma K. Pasah, Dr. P. Nongtdu, Principal Jaintia Eastern College, Khliehriat ki dkhot ka WJDSA bad EJDSA, ki nonghikai bad kiwei de.
