Ka jingialehkai phutbol Inter Dong Football Tournament 2021 ba la pyniaid da ka Wahiajer Sport Club ha madan Stadium Wahiajer, kala poi noh sha kaba kut mynta ka sngi (5.11.21) ha kaba ka kynhun ialehkai jong ka Jalapang SC kala long kum ka lahduh da kaba pynliem ia ka Mainroad SC da 4-0 kol.
Ia kitei ki kol na ka Jalapang SC la thep marwei da u Stephan Pale haduh 3 kol bad shi kol na u Oliver Pale.
Ha kane ka sngi phainal la wan ban pynhap pyrda ia ka da u ma Jesse Suiam MDC Modymmai Ummulong uba la long kum u kongsan, ha ka jingdon lang u Waheh Chnong Wahiajer ma Sanwotki laloo, ki dkhot ka Wahiajer Sport Club bad ki dkhot ka Dorbar shnong Wahiajer.
Ha kane ka lympung la wan ban iashim bynta haduh 8 tylli ki dong kiba don hapoh ka shnong Wahiajer, ia ka khusnam sha ki nongjop la sam da ka song pisa da u kongsan jong kane ka sngi.