Ka Tep Kyndait Government U.P. School, Tuber Kmaichnong, kawei na ki skul hapoh ka shnong Tuber kaba ju lam lynti ia shibun ki kam babha hapoh ka shnong ka thaw, mynta ka sngi kala pynhap pyrda ia ka Annual School’s Week 2023 ka jong ka.
Ha kane ka sngi la wan ban sakhi lang da u Waheh Shnong ka Tuber Kmaishnong u ma Mickey Lyngdoh kum u kongsan bad u Juhhi Lyngdoh ba dei u Executive Member ka shnong.
Ia kane ka Annual School’s Week la sdang naduh ka 24 tarik mynta u bnai ha kaba ki don shibun jait ki jingialehkai sports la ioh ban pynlong. Ka don ruh ka jingiakop Quiz, Debate bad kiwei de. Ia ka nam Best Group la ioh rah da ka Daffodil Group katba ia ka nam Best Discipline Group la iohrah da ka Dahlia Group.
Ia ka jingialang ha kane ka sngi la pyniaid da u Headmaster jong ka skul u ma Riquoma Rq. Laloo, katba ia ki kyntien ai khublei la ai da u ma Ribait Oo Pde uba dei u nonghikai jong kane hi ka skul.
