U District Magistrate jong ka West Jaiñtia Hills District u bah B.S. Sohliya, IAS mynta ka sngi ula pynmih ia ka hukum bala pynjynsur ia ka jingpyntreikam ia ka kyndon 144 Cr.PC ha ka shnong Sahsniang, West Jaiñtia Hills ha kaba la pynlyngkot noh ia ka Curfew miet kaba dang bteng haduh kine ki sngi.
Katkum kane ka hukum ba la pynmih mynta u District Magistrate ula pyntip ba ia ka Curfew miet kaba la buh naduh 9:00 PM haduh 5:00 AM la pynhiar noh shaka 11:00 PM haduh 4:00 AM. Kane ka hukum kan treikam naduh mynta ka miet jong ka 10.03.2023 tad haduh ban da pynmih da kawei pat ka hukum.