La pynkhie im biang ia ka Khliehriat Block Congress Committee

Ha ka 27 tarik mynta u bnai ki nongkitkam jong ka Khliehriat Block Congress Committee (KBCC) kila ioh biang ban pynkhie im ia kane ka Committee ha ka jingialang ba la pyniaid da u Vice President jong  ka  KBCC u ma G.Phawa. 

Ha kane ka jingialang la ioh ka jingkren lamphrang na u President jong ka KBCC u bah T.Sana u ba la ong "Ba ka la dei ka por ba ngin iatylli lang ban iatrei shitom na ka bynta ka party ban pynkhie im biang ia ka da ka wei ka jingmut ba ngin trei na ka bynta ka imlang  sahlang bad ban iasait na ka bynta ka hok jong ka Ri ka Muluk".

Ha kane ka meeting  la ia don ryngkat u District President jong ka East Jaintia  Congress Commitee u bah Thijlang Shyrmang u ba la ong ba nga long u kum u kpa u ban ialam lynti ia ki khun jong nga ha ka ban ia tur na ka bynta ka Party ban pynshongtrai biang ia ka Party  Congress.  "Hooid ngim lah satia ban klet ia ki jinglehbha jong ka party, ka party ka ba la ju synshar da ki phew snem ka ba ai state ia ngi ha ka jylla jong ngi, ka ba pynlaitluid ia ka ri jong ngi, shuh  shuh ka dei ka wei na ka party ka ba  peit ia ki rit ki ria ia ki duk ki suk bad nga kyntu ia ki paralok,  to ngin iaphai khmat biang sha ka party ka ba don ka nongrim kaba skhem,  da kaba ngin iaibteng ka jinglehbha ia ka ri bad ki jaid bynriew".

La ia don lang ruh u K.B.Y.C.C. President ma Barister Suchen, Vice President  ma Mechanki Dkhar, District Mahila President i Kong Jhanika Siangshai bad i Bah Khmihbha Phawa,  President ka Wapung Circle.