Mynta ka sngi ka ophis jong u Deputy Commissioner West Jaiñtia Hills District kala pynlong ia ka jingpynkhuid paidbah ia ki bynta jong ka wah Myntdu.
Ia kane ka jingpynkhuid la sdang naduh Jingkieng Pamblah-Chahtngit- Chka Jwai- shaduh sha Treiongriang Damser. Kane ka jingpynkhuid ia ka wah Myntdu ka long shi bynta na ka jingrakhe ia ka International Water Conclave – 2024
Ha kane ka jingpynkhuid la iashim bynta da ki nongtrei ka ophis u DC, Forest, Water Resources, Soil, PHE (RWS), Agriculture, Jaiñtia Fishing & Environment Protection Association, ki NCC, NSS, ki dkhot ka Bharat Scouts & Guides, ki khynnah skul bad samla pule College, kumjuh ka jingiashim bynta jong ki bor pyniaid shnong ba kynthup ia ka Carolline Colony bad Ladthalaboh.
