Kum ka dak ka jingrakhe ia ka sngi kha u Mahatma Gandhi, mynta ka sngi jong ka 02.10.2023, kum shi bynta ban rakhe ia kane ka sngi ki bor District ka West Jaiñtia Hills ryngkat ka jingiatreilang ka Jowai Municipal Board (JMB), ka Dorbar Shnong Tympang Iawmusiang, ka Jowai Traders Association (JTA), ka Market Committee ka CNI Market, ka Jowai Presbyterian Iew Shyiap, ka Seinraij Jowai, ki nongshong iew shonghat, ki la ia mih paidbah ban pynlong ia ka jingpynkhuid ia ki iew ki hat ha Jowai kaba long ruh kum shi bynta ka Swachhata Hi Seva, ia kane jingpynkhuid la pynlong ruh ha ki Shnong bapher bapher jong ka nongbah Jowai bad sha kiwei de ki jaka.
Ha Iawmusiang ha shwa ban iashim bynta ia ka jingpynkuid la pynlong ia ka jingialang ha phyllaw ka ophis u Deputy Commissioner, kaba la pyniaid ia ka jingialang da ka kong D.V. Lyngdoh kaba long ka Additional Deputy Commissioner WJHD ha kaba la ioh ruh ia ki jingkren lyngkot, na u President SRJ ma H. Toi, u SDO MeECL ma u E. Pohshna, u Traffic In-charge Jowai, u Rocky M Umlong, ha ka jingiadon lang ruh u Chairman ka JMB ma Lasooki D. Lakiang, u Executive Officer ka Jowai Municipal ma S. Amse nalor kiwei de.
Ha kane ka sngi la don ruh ka jingpynkup burom na ka liang ka JTA lyngba ka President ka kong Robila Mylliempdah sha ka tnat JMB, Police, ki skul, ki nongpeit ia ki Iew ha Jowai bad kiwei.
[Ki nongshong shnong ka Mookyrdup kiba la ia mih paidbah ban pynkhuid ia ka shnong ka thaw]
