Kawei na ki Club shnong kaba la tip kyrteng kum ka Rumshnong Youth Club Bataw kaba la seng nongrim da ki longshwa manshwa naduh ka 3/01/1967 kala kynmaw ieit ia baroh ki nongseng jong ka bad kumjuh ia ki nongkitkam ba hakhmat (Founder’s &Top-2 Office Bearer) na ka bynta u snem 1967 haduh u snem 2020 da kaba pynlong ia ka prokram pynkup burom ia ki ha ka 24 tarik mynta u bnai ha Community Hall ka Club.
Ha kane ka sngi la wan ban iashim bynta da u ma Kyrmen Shylla MLA ka thaiñ uba dei ruh u myntri sorkar uba long u Kongsan bad u Dr. Sankey Shangpung MDC ka thain uba dei u Chairman ka JHADC kum u symbud Kongsan, ha ka jingiadonlang u ma Lasky Rymbai MDC ka Wapung, ma Finelyness Bareh MDC Khliehriat, u Waheh Shnong ka Bataw ma Shemi Rupsi.
Ki nongseng kiba dang neh dangsah haduh mynta bad kiba la shah pynkup burom ki khynthup ia (1) u Odingson Biam,Founder General Secretary (2) u Roland Suchen,Founder Secretary (3) Bidro Suchen, Founder EC Member bad uba long ruh hadien kum u Chairman (4) u Kyrshan Sumer, Founder EC Member (5) u Kmen Rymbai, Founder EC Member, katwa ia ki nongseng jong ka Club ki bym don shuh ha kane ka sla pyrthei la pynlong da ka jingsngap jar kaba shiminit kum ka dak jong ka jingkynmaw burom ia ki. Ki nongialam kiba hadien kiba la shah pynkup burom ki kynthup ia (1) u Willing Sumer, Ex.General Secretary (2) u Bilan Suchen, Ex.Chairman (3) u Rimiyoo Lamare, Ex.General Secretary (4) u Onickson Sumer, Ex. General Secretary (5) u Pyrkhatbha Rupsi, Ex.Chairman (6) u Taltis Sumer, Ex.President (7) u Hemi Rupsi, Ex.General Secretary bad (8) u Edward Lamare, Ex.Convener.
