Ka lympung ïalehkai jong ki nongtrei kam sorkar kaba la tip kum ka 10th U Kiang Nangbah Inter Office Badminton Tournament 2023, ïa kaba la pynïaid da ka Meghalaya State Government Employees Federation, Jowai Jaiñtia Unit, kala poi noh sha kaba kut hynnin ka sngi 28 tarik ha Indoor Hall ka Seiñ Raij Jowai kaba don ha Tpep-pale (Madan Ryngkaw) Jowai.
La ïathuh ha kane ka lympung ïalehkai jong ki nongtreikam sorkar la pynïakhun ha ki ar tylli ki kyrdan kata ka Men Single bad ka Men Doubles, ha kaba la don haduh 12 tylli ki tnad sorkar kiba wan ban ïashim bynta kiba kynthup ïa ka Education, Veterinary, DM&HO, P.W.D, Police, Bank, Water Resources, MeECl, C&RD, P.H.E, K.J.P Hospital bad ka DC office.
Ha ka jingïakhun phainal haka kyrdan single la jop da u Dauru Laloo na ka PWD da ka pynliem ïa u Peterson Lamare DM&HO da (21-19;21-10), katba haka Double u Rimilan Passah & Peterson Lamare (DM&HO) kila jop da 21-17, 21-11 ïa u Inar kyndiah & Roskil Shallam na ka (PHE).
Ïa ki khusnam sha ki nongjop la sam da u kongsan ba Sylvester Phanbuh, MCS, EAC West Jaiñtia Hills District, ha ryngkat ka jingdonlang u President ka seng ma H.T Mohrmen, Secretary ma I. Muksor, u Secretary Indoor Games ma T. Laloo nalor kiwei kiwei de.