Ka prokram Dharti Aaba Janjatiya Gram Utkarsh Abhiyan (DAJGUA) IEC Awareness Campaign kaba la sdang naduh ka 18th June, 2025 ha East Jaintia Hills District ha kaba la pynlong ia ki prokram ai jingpynsngewthuh sha kylleng ki shnong kiba hap hapoh ki lai tylli ki Block ba kynthup ia ka Wapung, ka Saipung bad ka Lumshnong C&RD Block kala poi noh sha kaba kut mynta ka 30 tarik u Jylliew 2025.
Ia ka jingialang pynkut ia kane ka prokram ba ar-taiew lynter la pynlong ha Khliehriat West na ka bynta ki nongshong shnong jong ka Khliehriat West, Khliehriat East bad ka Deinshynrum kiba hap hapoh ka Wapung Block bad ha shnong Muallian kaba hap hapoh ka Saipung Block.
Hapoh kine ki ar-taiew jong ka jingleit ialap pynsngewthuh ia ki skhim sorkar bapher bapher la iashim bynta shongshit da ki nongtrei na ki ophis Block Development Officers (BDOs), ka tnad Agriculture, Animal Husbandry& Veterinary, Fisheries, Social Welfare, Tourism PHE Departments, Health, Skill Development bad na kiwei.
La ioh ia ka jingpynshai ne pynsngewthuh shaphang ki skhim kiba kynthup ia ka Pradhan Mantri Awas Yojana (PMAY), Indira Gandhi National Old Age Pension Scheme (IGNOAPS), PM-KISAN, Piggery Development Scheme, Goat Farming Scheme, Dairy Development Scheme, National Livestock Mission Entrepreneurship Development Programme, Kisan Credit Card (KCC) Scheme, Pradhan Mantri Matsya Sampada Yojana (PMMSY), National Fishery Development Programme (NFDP), Megha Health Insurance Scheme (MHIS), Pradhan Mantri Jan Arogya Yojana (PM-JAY), bad kiwei de.
Lyngba kine ki prokram bun na ki nongshong shnong ha ki thaiñ nongkyndong kila ioh jingmyntoi shibun. Kila ioh ruh ia ka lad ka lynti ban shim kabu ia kitei ki skhim bapher bapher lyngba ka jingiarap jong ki nongtrei sorkar ha ki lain bapher bapher.
Kum ban shu pynkynmaw ba ia kane ka prokram la pynlong shi bynta na ka jingkynmaw ia ka jingdap 150 snem jong ka jingkha jong u Bhagwan Birsa Munda kaba la tip kum ka Janjatiya Gaurave Varsh.
