Ka Don Bosco Secondary School Mihmyntdu, ka la pynlong ia ka program lehkmen (School Week) ba lai sngi ia kaba la sdang naduh ka 25-09-2024 bad la pynkut noh mynta ka sngi ka 27-09-2024. La plie ia kane ka program da u rangbah shnong ka Mihmyntdu u ma Abul Phawa ha ka 25 tarik bad la pynhap pyrda pat da u ma Jameson Suna mynta ka sngi.
Ha katei ka program lehkmen, ki kynnah skul ki la iashim bynta ha ki jingiakop bapher bapher kiba kynthup ia ka Dancing, Singing, Quiz, Extempore speech, Essay Writing, recitation, Fancy Dress bad ka Flower Arrangement.
Kum ban shu pynkynmaw ia kane ka skul la shimti da ki sister jong ka Daughter of Sacred Heart ha u snem 2017 ha kaba ha katei ka por ki don tang kumba 66 ngut ki khynnah skul. Hynrei ha une u snem la don haduh 693 ngut ki khynnah skul lyngba ka jing treishitom jong ki sister kiba pyniaid ia katei ka skul. Haduh mynta katei ka shlem ai jinghikai ka la ai ka jingshakri ba paka katkum ka jingiaid jong ka juk ba mynta.
