U Deputy Commissioner (Supply), East Jaintia Hills District, lyngba ka kyrwoh ba la pynmih, u la pyntip sha ki paidbah ba hadien ka jingpynkylla ïa ka dor jong ka Umphniang Sharak (S.K Oil), la buh da ki dor ba thymmai bad kaba treikam mardor naduh u bnai Nailar (August) 2025.
Ka dor die lang (wholesale) bad die khutia (retail), ha Jaiñtia Service Station kan long Rs. 63.05 bad Rs. 64.90 kumjuh.
Ka dor die lang (wholesale) bad die khutia (retail), ha Sub-Depot Sutnga kan long Rs. 67.00 bad Rs. 68.90.
Ka dor die lang (wholesale) bad die khutia (retail), ha Sonapur Oil Agency ka long Rs. 63.25 bad Rs. 65.15.
Katba ka dor die khutia (retail) ha ki Fair Price Shop (FPS), kiba don shabar 5 Km na ka wholesale outlet ha Sonapur Oil Agency yn sa buh da ki komiti (Vigilance Committees) kiba dei peit.
Kane ka hukum kan treikam mardor naduh mynta bad kan neh haduh ba la pynmih da kawei pat ka hukum, la ong u Deputy Commissioner.
