Katkum ka jingpynbna ba la pynmih na ka Governor’s Secretariat, Meghalaya ha ka 2 tarik u December, 2025, la iathuh ba ia ka ïingsah jong u Lat ka jylla kaba la ju tip kum ka Raj Bhavan, Shillong la pynkylla kyrteng noh sha ka Lok Bhavan, Shillong.
Ia kane ka jingpynkylla kyrteng la hap ban bud katkum ka jingbthah jong ka Ministry of Home Affairs, Government of India kaba la pynmih ia ka hukum Memo No.7/10/2025 (Part) – M&G dated 25th November, 2025.
Nangne shakhmat ia ka Raj Bhavan Shillong yn tip noh kum ka Lok Bhavan, Shillong; pyntip u Principal Secretary to the Governor of Meghalaya u H.C. Chaudhary, IFS.
