Ka tnad Home (Police) jong ka Sorkar jylla ka la pynmih ia ka jingpynbna ha kaba ia dei bad ka jingpynkynriah kam ia ki arngut ki IPS ophisar ha ka jylla.
Katkum katei ka hukum, u Shri Vikash Kumar, IPS (RR 2018), uba dang shakri kum u Superintendent of Police (SP) jong ka East Jaiñtia Hills District, Khliehriat, u la shah pynkynriah kam bad shah thung kum u Superintendent of Police jong ka tnad Anti-Narcotics Task Force (ANTF), Shillong. Katba u Shri Pankaj Kumar Rasgania, IPS (RR 2020), uba la bat kum u SP, ANTF Shillong, u la shah pynkynriah kam bad shah thung kum u Superintendent of Police, East Jaiñtia Hills District, Khliehriat, ha ka jaka jong u Vikash Kumar.
Ia kane ka hukum la pynmih hapoh ka jingsoi u Shri Cyril V.D. Diengdoh, IAS, Commissioner & Secretary jong ka tnad kam poh iing ka sorkar jylla.
