Ka ophis jong u Block Development Officer (BDO), Namdong Block ha ryngkat ka ophis jong ka District Sports Officer (DSO), West Jaiñtia Hills District kila pynlong ïa ka ‘Block Level Chief Minister Youth Engagement Programme 2025’ ha kane ka 21 & 22 tarik u Risaw, 2025 ha Community Hall ka shnong Namdong -B.
Ha kane ka prokram la pynlong ïa ki jingïakop bapher bapher haka Solo ki long ka jingdro dur, thoh Poitri, thoh Story. Ka Declamation & Guitar haka jingïakop kynhun ki long ka Quiz, Folk Song, ka jingshad tynrai bad ka jingïatan tyllai. Baroh ki nongwan ïashim bynta ki don haduh 125 ngut tam kynthup ïaki khynnah skul bad ki Nonghikai.
U ma Damian War uba dei u Waheh Shnong ka Namdong-B ula long kum u kongsan jong kane ka sngi haka jingïadon lang u ma K. Passah, Assistant Director Sports & Youth Affairs ka jylla bad u District Sports Officer, West Jaiñtia Hills District, u Waheh Shnong ka Mookhnang, ki Principal/Headmaster/Headmistress jong ki skul bapher bapher, u ma Shiborlang Sumer, Jr Engineer Namdong C&RD Block bad kumjuh ki briew na ka Meghalaya State Skilled Development Society.
