Ka Land Port Authority of India (LPAI) ryngkat ka jingiatreilang bad ka Raj Bhavan, Shillong, ka la pynlong ia ka Hindi Workshop ha Raj Bhavan, Shillong.
La sdang ïa kane ka jingïalang da ka jingkren ai khublei na u R.B.Sharma, pynbud sa ka workshop kaba la pynïaid da u Pawan Kumar Kharbanda. Ha kane ka sngi u Lat Phagu Chauhan, ki heh shipai, ki nongtrei ka LPAI, bad ki samla pule na North Eastern Hill University (NEHU) ki la don lang ha katei ka sngi.
Ha ka jingkren jong u, u Lat ka jylla u la ban jur ia ka jingdonkam jong ka ktien Hindi kum ka nongkit ia ki jinglong jingman jong ka jingim, ka kolshor, bad ki riti dustur jong ka ri India. U la kdew ba ka ktien Hindi ka dei ka ktien kaba lai kaba la kren bha ha ka pyrthei bad u la iaroh ia ki kot kiba la pynmih ha ka ktien Hindi. U la iaroh ia ka jingpyrshang jong ki nongshong shnong jong ka jylla Meghalaya ha kaba kyntiew ia ka ktien Hindi, da kaba pynshong nongrim ia kane ka jingkiew ha ka bynta jong ki tnat treikam pdeng ha ka jylla. U la kubur ia ka jingpyrshang kaba iai bteng jong ka sorkar India, katkum ka Article 351 jong ka riti synshar ka ri India, na ka bynta ban kyntiew ia ka ktien Hindi.
Shuh shuh, u Lat u la ai ka jingïaroh ïa ka Indian Land Port Authority halor ka jingpyrshang jong ki ban kyntiew ïa ka ktien Hindi ha ki jylla ka thaiñ shatei lammihngi bad pynpaw ka jingkyrmen ba ki prokram kiba kum kine kin dang ïai bteng.
Ki nongkren ba kongsan na ka bynta kane ka workshop ki long i Dr. Filmeca Marbaniang iba long i Assistant Professor jong ka Hindi ha NEHU bad i Professor H.K. U Mishra, heh jong ka tnad Hindi ha NEHU. Ki la iasam ia ki jingshem jong ki shaphang ka jingdonkam bad jingpyntreikam ia ka ktien Hindi.
Bad la pynpaw ruh ia ka jingdonkam ban pyndonkam ia ka ktien Hindi ha ki kam synshar bad la pynshlur ia ki nongiashim bynta ban pynrung kham bniah ia ka ktien ha ki kam ba ki trei.
