Ban pynsngewthuh shuh shuh halor ka jingjur jong ka jingsniew kiba mih lyngba ki Cyber Crime, ka ophis District Legal Service Authority, Jowai ha ka jingiatreilang bad ka Jowai Police West Jaintia Hills ki la pynlong ia ka prokram ban ai jingpynsngewthuh ha District Library Mynthong Jowai.
Ki nongkren ha kane ka prokram kila ban jur halor ka jingdonkam ba u wei pa kawei ki nongshong shnong ki dei ban long kiba phikir ha ka jingiadeikam jong ki bad ki online. Lada ki sngewpher ne lap ba kila shah thoh shah shukor ki la dei ban ai jingtip mar mar sha ka Cybercrime khlem da pynslem.
La hikai ruh kumno ban iarap ia ki nongiadon bynta ba kin kiar na ka jingai ia kino kino ki kot ki sla jong ki (personal data). La pyntip ruh ia ki khynnah skul ia shibun jait ki cybercrime kiba don ha kine ki por bad kumno ban kiar na ki.
