Ka tnad treikam jong ka Central Bureau of Communication, Field Office, Nongstoin, ha ryngkat ka tnad treikam ka office CDPO, Nongstoin ICDS Project ka la pynlong ia ka Outreach Programme halor ka Poshan Maah bad Swachhata Hi Seva ha Tyrsem Hall, Nongstoin ha ka 29 tarik u Nailur, 2023.
Ka jingthmu ba kongsan jong kane ka program ka long ban pynsngewthuh hapdeng ki briew ia ka jingkongsan ki jingbam bad kumno ban bam ia ki jingbam kiba tei ia ka met ka phad.
I Kong B. Rynjah, CDPO, Nongstoin ICDS Project ia la kren halor ka jingkoit jingkhiah bad ka jinglehkhuid. I la kren ban ba ka jinglehkhuid ka iaid lang ryngkat bad ki jingbam jingdih kumjuh ruh bad ka koit ka khiah ban iada ia ka koit ka khiah jong ki briew da kaba pylong ia ki jaka sawdong kiba khuid bad kiba lait na kino kino ki khniang jingpang.
I Kong Syiemlieh, iba long I Supervisor, Nongstoin ICDS, I la kren halor ka jingkoit ka jingkhiah ka met ka phad bad ka jingmut jingpyrkhat. I la batai shai ruh ia ka jingdonkam ban bam ia ki jingbam kiba don ia ki proteins, carbohydrates, calcium na ka bynta ki ba dang khie samla, kiba armet bad ki khyllung khynnah.
Nalor ka jingpynkhuid ia ka shnong ka thaw, la shim ruh ia ka jingbam smai jong ka Poshan bad Swachhata. La pynlong ruh ia ki jingiakob ha ka draw dur, extempore speech, bad best slogan ba la pynlong na ka bynta ki khynnah skul ka Nongstoin Public Secondary School bad la sam ruh ia ki prizes sha ki nongjop.
