Ka Meghalaya Early Childhood Development (MECD) and Rescue Mission ryngkat ka jingiatreilang bad ka ophis Block Development Officer, Saipung C&RD Block mynta ka sngi kila pynlong ia ka prokram ba la tip kum ka Block Level Sensitization on Early Childhood Development (ECD) Mission and Rescue Mission ha Latyrke Camp Office, Saipung C&RD Block, ha kaba la wan ban iadon bynta lang da ka kong J.U. Kharpuri kaba dei ka Addl. Deputy Commissioner, East Jaintia Hills District u BDO Saipung C&RD Block, Dr. R Pyrtuh, u District Medical &Health Officer, East Jaintia Hills District, Dr. D. Shylla bad kiwei ba kynthup ia ki nongialam shnong bad ki nongshong shnong ka thaiñ.
Ka kong Kharpuri haba ai jingkren ha kane ka prokram kala pynsngewthuh halor ka jingkhie jingsan jong ki khyllung haduh ba kin da kynjoh ia ka rta kaba 8 snem. Kala kyntu ia ki longkmie longkpa ban pyllut ia ka por kaba kordor bad ki khun ki kti bad ban ialam ia la ki khun da ki nuksa kiba bha khnang ba kin khun kin ioh ban bud katba ki dang heh dang san.
Ha kane ka prokram la wan ban iashim bynta da ki tnat sorkar bapher bapher ba kynthup ia ka Health, ka Social Welfare, ka tnat Education, ka Meghalaya State Rural Livelihood Society (MSRLS) bad na ka Meghalaya Early Childhood Development Mission (MECDM).
Ha kane ka prokram la ioh ruh ia ka jingbatai shaphang ki bynta bapher bapher ba kynthup ia ka phang ka pule puthi, ka POSHAN Abhiyan, Integrated Child Development Scheme (ICDS), la don ruh ki jingialehkai ba harukom. Kala don ruh ka jingpyni ia ka video halor ka ECD bad ka bynta jong ka ha ka imlang ka sahlang. (DPRO, Khliehriat)
