Ia ka prokram ba shi sngi ne ka ‘District Level sensitization Programme on “Combating Child trafficking” kaba dei shi bynta na ka jingrakhe ia ka World Day against Human Trafficking na ka bynta ban ai ka jingpynsngewthuh paidbah halor ki kam khaïi beaiñ ia ki kyllung ki kynnah la pynlong ha nongbah Jowai ha Coference Room jong ka ophis DC, Jowai.
Ia kane ka prokram la pynlong da ka National Commission for protection of Child Rights (NCPRC) ryngkat ka jingkyrshan ka State Commission for protection of Child Rights (SCPCRs) bad ka West Jaintia Hills District Administration.
Ka jingthmu ba kongsan jong kane ka prokram ka long ban ai ka jingpynsngewthuh sha kito baroh ki ba don bynta lang ha ka ban ai ka jingiada ia kane ka kam beaiñ kaba khynthup ia ka tnad Pulit, ka District Child Protection Unit bad kiwei de.
Ha kane ka sngi i kong M. Syiem iba dei ia Chairperson jong ka MSCPCR ila wan ban batai bniah ha kaba iadei bad kane ka bynta.
La ioh ruh ia ka jingkren bad jingbatai da i Shaista K Shah iba dei i Senior Technical Expert jong ka NCPCR.
Ia ka kamram jong ki Pulit ha kaba iadei bad kane ka bynta la ai jingkren da u SP ka District u Bikram Marak, IPS.
Kham hashwa la ioh ka jingkren pdiang na u P.K. Boro DC incharge WJH, uba la pynpaw ba ka prokram kum kane ka long kaba donkkam bha khnang ba yn lah ban ai ka jingiada ia ki khyllung ki khynnah na ka jingshah khaïi beaiñ.
Ha ka jingialang la don lang ki dkhot jong ka Child Welfare Committee, ki Police Officers bad ki nongtrei jong ka District Child Protection Unit, Jowai.